BLesson.mn давтлага хичээлийн сайтад шатрын хичээл нэмэгдлээ
BLesson.mn давтлага хичээлийн сайт нь Монголын анхны 1-ээс 5-р ангийн Монгол хэл, Математикийн хичээлийг сэдэв бүрээр хүүхдэд зориулан сонирхолтой дахин давтагдахгүй байдлаар хийсэн хязгааргүй бодлогын сантай давтлага хичээлийн сайт юм.
Бид шинэ дасгал хичээл, хүүхдийг амраах, шинэ мэдлэг олж авах оюуны тоглоом зэргээр тасралтгүй хөгжүүлсээр байна. Энэ удаа хүүхдэд сонирхолтой байдлаар шатар сурах хичээл шинээр нэмлээ. Зөв нүүдэл хийж жимс, ногоо, амьтны дүрс зэрэгт хүрч хүүхдүүд сонирхолтой байдлаар суралцах боломжтой.
Шатар тоглох нь хүүхдийн ой тогтоолтыг сайжруулах, логик сэтгэлгээ, анхаарал төвлөрөл, асуудал шийдвэрлэх чадвар, тэвчээр хүлээцтэй байдал, сахилга бат зэрэг насан туршид хэрэг болох олон чадварыг хөгжүүлэхэд нөлөөлдөг талаар хүүхдийн боловсрол, хөгжлийн сэтгэл судлалын судалгаануудад дурдсан байдаг.
